34300‌ ಕಿಮೀ ಕ್ರಯಿಸಲು ಸೈಕಲ್ ಯಾತ್ರೆಯೊಂದಿಗೆ ಕಡೂರಿಗೆ ಆಗಮಿಸಿದ ಪುನೀತ್‌ ಅಭಿಮಾನಿ ಮುತ್ತುಸೆಲ್ವನ್

ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾಧ್ಯಕ್ಷ ಸೂರಿ ಶ್ರೀನಿವಾಸ್ ಮುತ್ತುಸೆಲ್ವನ್ ಅವರನ್ನು ಗೌರವಿಸಿದರು‌‌. ಈ ಸಂದರ್ಭದಲ್ಲಿ ಮಾತನಾಡಿದ ಸೆಲ್ವನ್ ಅವರು, ಪುನೀತ್ ಅವರ ಮಾನವೀಯತೆ,ಪರಿಸರ ಪ್ರೇಮ ಮತ್ತು ಅವರಲ್ಲಿದ್ದ ಪರೋಪಕಾರ ಗುಣ ಎಲ್ಲರಲ್ಲೂ ಮೂಡಬೇಕಿದೆ. ಮಾನವೀಯ ಗುಣಗಳ ಸಾಕಾರ ಮೂರ್ತಿಯಾಗಿದ್ದ ಪುನೀತ್ ಅವರ ನೆನಪಿನಲ್ಲಿ ಈ ಸೈಕಲ್ ಅಭಿಯಾನವನ್ನು ಮಾಡುತ್ತಿದ್ದೇನೆ. ಹೋದಕಡೆಯಲ್ಲೆಲ್ಲ ಜನರು, ಪುನೀತ್ ಅಭಿಮಾನಿಗಳು ಪ್ರೋತ್ಸಾಹಿಸುತ್ತಿದ್ದಾರೆ. ಬಹುಮುಖ್ಯವಾಗಿ ಪೊಲೀಸ್ ಇಲಾಖೆ ನೀಡುತ್ತಿರುವ ಸಹಕಾರ ಬಹುದೊಡ್ಡದು ಎಂದು ತಿಳಿಸಿದರು.

ಪುನೀತ್ ಅಭಿಮಾನಿಗಳ ಸಂಘದ ಅಧ್ಯಕ್ಷ ವಿನೋದ್ ಕುಮಾರ್ ಮತ್ತು ಪದಾಧಿಕಾರಿಗಳು ಇದ್ದರು.

“ಮೂಲತಃ ತಮಿಳುನಾಡಿನ ಕೊಯಮತ್ತೂರಿನವರಾದ ಯುವಕ ಮುತ್ತುಸೆಲ್ವನ್ ಎಂಬಿಎ ಪಧವೀಧರ. ಪುನೀತ್ ಅವರ ಅಪ್ಪಟ ಅಭಿಮಾನಿಯಾಗಿ ಆ ಅಭಿಮಾನದಿಂದಲೇ ಭಾರತವೂ ಸೇರಿದಂತೆ ವಿಯೆಟ್ನಾಂ, ಬಾಂಗ್ಲಾದೇಶ, ನೇಪಾಳ ದೇಶಗಳಲ್ಲಿಯೂ ಈ ಸೈಕಲ್ ಯಾತ್ರೆ ನಡೆಯಲಿದೆ. ಒಟ್ಟು 34 300 ಕಿ.ಮೀ.ದೂರದ ಈ ಯಾತ್ರೆ ಈಗಾಗಲೇ19 ಸಾವಿರ ಕಿ.ಮೀ.ಕ್ರಮಿಸಿದೆ. ಹೋದ ಕಡೆಯಲ್ಲೆಲ್ಲ ಸ್ಥಳೀಯ ಸ್ವಯಂ ಸೇವಾ ಸಂಸ್ಥೆಗಳು ಹಾಗೂ ಸ್ಥಳೀಯ ಜನರೊಡನೆ ಸೇರಿ 100 ಗಿಡಗಳನ್ನು ನೆಟ್ಟು ಪರಿಸರ ಸಂರಕ್ಷಣೆಯ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವುದು ಸಹ ಈ ಯಾತ್ರೆಯ  ಉದ್ದೇಶವಾಗಿದೆ. ಸೈಕಲ್ ಯಾತ್ರೆಯ ನಡುವೆ ಕತ್ತಲಾದರೆ ಆ ಊರಿನ ಪೆಟ್ರೋಲ್ ಬಂಕ್ ಅಥವಾ ಬಸ್ ಸ್ಟಾಂಡ್ ನಲ್ಲಿ ಕಳೆದು ಮಾರನೇ ದಿನ‌ ಮತ್ತೆ ಹೊರಡುತ್ತಾರೆ. ತಮಿಳುನಾಡಿನವರಾದರೂ ಕನ್ನಡವನ್ನು ಶುದ್ಧವಾಗಿ ಮಾತನಾಡುತ್ತಿದ್ದ ಬಗ್ಗೆ ಸ್ಥಳೀಯರು ಪ್ರಶಂಸೆ ವ್ಯಕ್ತಪಡಿಸಿದರು‌.”